தாய்லாந்து செல்லும் அனைத்து வெளிநாட்டவர்களுக்குமா விசேட அறிவிப்பு

தாய்லாந்து செல்லும் அனைத்து வெளிநாட்டவர்களும் டிஜிட்டல் வருகை அட்டையை (Digital Arrival Card) நிரப்ப வேண்டுமென அந்நாட்டு அசராங்கம் அறிவித்துள்ளது.

எதிர்வரும் மே 1 முதல் தாய்லாந்து செல்லும் அனைத்து வெளிநாட்டவர்களும் டிஜிட்டல் வருகை அட்டையை கட்டாயமாக பதிவு செய்ய வேண்டும் என அறிவிக்கப்பட்டுள்ளது.

தாய்லாந்து செல்லும் வெளிநாட்டு பயணிகள் அனைவரும் 2025 மே 1 ஆம் திகதி முதல் Thailand Digital Arrival Card (TDAC) என்ற புதிய டிஜிட்டல் வருகை அட்டையை பயணத்திற்கு முன் பதிவு செய்ய வேண்டியது கட்டாயமாகிறது.

இந்த புதிய நடைமுறை தாய்லாந்து குடிவரவு துறை (Thai Immigration Bureau) மூலம் அறிமுகப்படுத்தப்பட்டுள்ளது. இது விமான நிலையங்களில் பயணிகளின் வருகையைச் சீராகவும் விரைவாகவும் செயல்படுத்தும் நோக்கத்தில் அமல்படுத்தப்படுகிறது.

TDAC பதிவு செய்யும் முறை:

1. tdac.immigration.go.th இணையதளத்துக்குச் செல்லவும் அல்லது QR குறியீட்டை ஸ்கேன் செய்யவும்
2. தனிப்பட்ட மற்றும் பயண தகவல்களை பதிவு செய்யவும்
3. படிவத்தை சமர்ப்பிக்கவும் மற்றும் உறுதிப்படுத்தல் மின்னஞ்சலைப் பெறவும்
4. தாய்லாந்து வருகையின் போது, அந்த உறுதிப்படுத்தல் மின்னஞ்சலையும் உங்கள் பயண ஆவணங்களையும் குடிவரவு அதிகாரியிடம் காண்பிக்கவும்

முக்கிய குறிப்பு:

விமான நிலையத்தில் எந்தவிதமான இடையூறும் இல்லாமல் இருக்க முன்பே பதிவு செய்து கொள்ளுமாறு அனைத்து பயணிகளுக்கும் பரிந்துரைக்கப்படுகிறது.

மேலும் விபரங்களுக்கு, அதிகாரப்பூர்வ வழிமுறைகள் மற்றும் உதவிக்குறிப்புகளுக்கு கீழே உள்ள இணையதளத்தை பார்வையிடவும்:
 tdac.immigration.go.th/manual/en

• தாய்லாந்து செல்லும் அனைத்து பயணிகளும் TDAC பதிவு செய்ய வேண்டும்.
• 90 நாட்கள் அல்லது அதற்கு அதிகம் தங்கும் பயணிகள், தங்கும் இடத்தை அருகிலுள்ள குடிவரவு அலுவலரிடம் எழுதித் தெரிவிக்க வேண்டும். இது ஒவ்வொரு 90 நாட்களிலும் செய்தாக வேண்டும்.
• வேலை செய்ய விரும்பும் வெளிநாட்டவர்கள், அதற்கான வேலை அனுமதி (Work Permit) பெற்றிருக்க வேண்டும். இல்லையெனில் வேலை செய்ய அனுமதி இல்லை.

எனவே தாய்லாந்துக்கு பயணங்களை மேற்கொள்ளும் போது இந்த பயண அறிவுறுத்தல்களை கருத்திற் கொள்ள வேண்டுமென அறிவித்தல் வழங்கப்பட்டுள்ளது.