அமெரிக்கக் காங்கிரஸின் கீழ் சபையில், ஜனாதிபதி டொனால்ட் டிரம்பின் ஆதரவுடன், பல டிரில்லியன் டாலர் வரிவிலக்கு சட்ட மூலம் 215-214 வாக்குகளால் நிறைவேற்றப்பட்டுள்ளது.
இது டிரம்ப் மற்றும் ஹவுஸ் ஸ்பீக்கர் மைக் ஜான்சனுக்கான குறுகிய ஆனால் முக்கியமான வெற்றியாக கருதப்படுகிறது.
இப்போது இந்த சட்ட மூலம்அமெரிக்க சனநாயக சபையான செனட்டுக்கு செல்ல உள்ளது.
இந்த சட்ட மூலம், 2017-இல் டிரம்ப் அரசால் நிறைவேற்றப்பட்ட வரிக்கழிவுகளின் காலாவதியை நீட்டிக்கிறது, மேலும் பாதுகாப்புத் துறைக்கான நிதியளிப்பையும், அதிக அளவிலான குடியுரிமையற்ற குடியாளர்களை நாடுகடத்துவதற்கான நிதியையும் வழங்குகிறது.
மேலும், ஓவர்டைம் மற்றும் “டிப்ஸ்” மீது வரிகள் தற்காலிகமாக நீக்கப்படுகின்றன, இது 2024-ஆம் ஆண்டு டிரம்ப் தேர்தல் வாக்குறுதிகளில் முக்கியமானவையாக இருந்தன.
“இது பணியாற்றும் அமெரிக்கர்களின் வாழ்வில் உண்மையில் மாற்றத்தை ஏற்படுத்தும் வரலாற்றுப் பணியாகும்,” என மைக் ஜான்சன் கூறினார்.
இந்த சட்டமூலத்தில், குறைந்த வருமானம் கொண்டவர்களுக்கு வழங்கப்படும் மெடிகெய்ட் மற்றும் SNAP உணவுத்தொகை உதவித் திட்டத்தில் பல பில்லியன் டாலர் குறைப்பு செய்யப்பட்டுள்ளன.