எகிப்தில் பயணிகளும் முக்கிய சரக்கு பொருட்களும் இனி மேலும் வேகமாகச் செல்லக்கூடிய புதிய அதிவேக ரயில்களை சீமன்ஸ் மொபிலிட்டி நிறுவனம் அறிமுகப்படுத்தியுள்ளது.
மணிக்கு 250 கிலோமீட்டர் வேகத்தில் பயணம் செய்யக்கூடிய வெலாரோ Velaro ரயிலின் புதிய வடிவம் நவம்பர் 9ம் திகதி நியூ கெய்ரோவில் நடைபெற்ற கண்காட்சியில் பொது மக்களுக்கு முதல் முறையாகக் காட்சிப்படுத்தப்பட்டது.
489 பேர் அமரக்கூடிய இத்தகைய 41 ரயில்கள், எகிப்தின் 2,000 கிலோமீட்டர் நீளமான அதிவேக ரயில் வலையமைப்பில் பயன்பாட்டுக்கு வரவுள்ளன.
நாட்டின் முக்கிய நகரங்களை மூன்று பாதைகளின் மூலம் இணைக்கும் இந்த வலையமைப்பு, மக்கள் தொகையின் 90% பேருக்கும் அணுகக்கூடியதாக இருக்கும் என சீமன்ஸ் நிறுவனம் தெரிவித்துள்ளது.
இது பயண நேரத்தை 50% வரை குறைக்கும் முக்கியமான திட்டமாகும்.
ஜெர்மனியில் வடிவமைக்கப்பட்டு கட்டப்பட்ட இந்த ரயில்கள், எகிப்தின் கடும் பாலைவன சூழ்நிலைகளை சமாளிக்க சிறப்பாக மேம்படுத்தப்பட்டுள்ளன.
மணல், வெப்பம், தூசி ஆகியவற்றை எதிர்கொள்ள முன்னேற்றப்பட்ட வடிகட்டி மற்றும் குளிரூட்டும் அமைப்புகள் இதில் உள்ளன.